АМГТГ-ААС ЗҮҮН БОЛОН ЗҮҮН-ӨМНӨД АЗИЙН ГЕОЛОГИЙН ШИНЖЛЭХ УХААНЫ ЗОХИЦУУЛАХ ХОРООНЫ /CCOP/ УУЛЗАЛТ СЕМИНАРЫГ ЗОХИОН БАЙГУУЛЛАА


АМГТГ-аас 2019 оны 16-наас 18-ны өдрүүдэд Улаанбаатар хотноо Зүүн болон Зүүн-өмнөд Азийн геологийн шинжлэх ухааны зохицуулах хороо /CCOP/ болон БНСУ-ын Геологийн шинжлэх ухаан, эрдэс баялгийн хүрээлэн /КИГАМ/-ийн “Уламжлалт бус газрын тос болон байгалийн хий” хамтарсан төслийн хүрээнд “Азийн занарын эрчим хүчний нөөц баялгийн үнэлгээ” сэдэвт сургалт семинарыг анх удаа зохион байгуулж байна.

Уулзалтын нээлтэнд АМГТГ-ын дарга Х.Хэрлэн оролцож мэндчилгээ дэвшүүлэн үг хэлэв. Тэрээр Монгол Улсад Геологийн алба үүсч хөгжсний 80 жилийн ойн босгон дээр Зүүн болон Зүүн Өмнөд Азийн геологийн шинжлэх ухааны зохицуулах хорооны ээлжит сургалт семинарыг манай оронд зохион байгуулах санаачлагыг дэмжиж, нөхцөл боломжоор хангасан, зохицуулах хорооны удирдах зөвлөлд талархал илэрхийлээд, өнгөрсөн оны 6 дугаар сард Монгол Улсын Засгийн газрын тогтоолоор батлагдсан “Төрөөс газрын тосны салбарыг хөгжүүлэх талаар 2027 он хүртэл баримтлах бодлого”-ын баримт бичигт уламжлалт бус газрын тосны эрэл, хайгуул болон ашиглалтыг эрчимжүүлэхээр тусгасныг хэрэгжүүлэх АМГТГ-ын үйл ажиллагааны хүрээнд энэхүү уулзалт болж байгаа нь өндөр ач холбогдолтой байгааг онцлов.

Энэхүү төслийн ажлын хүрээнд Зүүн болон Зүүн-өмнөд Азийн орнуудын занарын нөөцийн үнэлгээний судалгаатай холбоотой уулзалт, семинарыг 2018 оны 4 дүгээр сард /Uncon10/ Тайландад зохион байгуулж, үүний дараа Uncon11 уулзалт, семинарыг 2018 оны 7-р сард БНХАУ-д, Uncon12 уулзалт, семинарыг 2018 оны 10-р сард Малайз-д, Uncon13 уулзалт, семинарыг 2019 оны 3-р сард Вьетнамд тус тус зохион байгуулаад байна.

Манай оронд зохион байгуулагдаж байгаа сургалт, семинарын гол зорилго нь манай оронд хийгдсэн занарын судалгааны ажлыг танилцуулах, мөн бусад орны эрдэмтэн судлаачдыг Монгол орны геологи, эрдэс баялаг болон газрын тосны салбарын өнөөгийн байдалтай танилцуулж байгаараа онцлог юм. Энэхүү уулзалт, семинарт 12 орны эрдэмтэн судлаачид оролцож байна.

 

 

МЭДЭЭ, МЭДЭЭЛЭЛ













ВИДЕО



ЗУРГИЙН ЦОМОГ





Өнөөдөр
Өчигдөр 5027
Нийт 3597765